سترومبولي معجنات ايطالي
مقادير العجينه :
٢ كوب دقيق
٢ معلقة كبيرة سكر
نص معلقة صغيرة ملح
١ معلقة كبيرة خميرة فورية
٣ معلقة كبيرة زيت
٢ معلقة كبيرة زبادي
حليب دافي للعجن
الطريقة :
تعجنيها كويس وتسبيها في فرن البوتوجاز عشان يبقي مكان دافي وهي متغطية عشان تخمر كويس لمدة ساعه او ساعه ونص
ولو كانت شديدة بعد العجن زودي زيت خفيف لحد ماتلين
الحشو للتونه :
تونه متصفية من الزيت كويس
جبنه شيدر
جبنه موزاريلا
مستردة
فلفل وملح
نص ليمونه
٢ فلفل رومي او الوان متقطع سلايس رفيع
١ بصلة مقطعه سلايس
زيتون
حشو الفراخ :
تنقعيها ساعه مع
2 معلقة كبيرة عصير ليمون
فص توم مهروس
ملح وفلفل وكمون وشطة حارة
1 فلفل أخضر حار مقطع رقيقة
3 م ك كزبرة خضراء مفرومة
وتسويها في زيت وتقطعيها قطع وتضاف مع الحشو
وممكن مع الفراخ تحطي جبنه كريمي وكاتشب وانتي بتحشي
- انا مكنش عندي وعملت بالناجتس حطيته نص دقيقة في الزيت وقطعته وطلع حلو
الطريقة الحشو :
بتشوحي البصل في الزيت لحد مايدبل تضيفي الفلفل والملح والفلفل وشطة لو حابة
ويتشوحوا لحد مايدبلوا
بعدا كدا تفردي العجينه علي شكل مستطيل وتحشي في النص زي الصورة في الكومنت
وتدهنيها بالمايونيز والحاجات السايلة
وفرقها الجبنه الشيدر
بعدين التونه او الفراخ والخضار وفوقو الموزاريلا
وتقفلي العجينه عكس بعض ومن الجناب
وتحطيها في الصينية علي الوش التاني ويكون المقفول تحت وتدهني الوش حليب مع بيض ورشه بابريكا او شطة وتعملي فتحات بالسكينه
وتدخل الفرن يكون متسخن قبلها ١٠ دقايق ع الاقل دة سر نجاح العجينه علي درجة حرارة ١٨٠ لمدة ٣٠ دقيقة او ٣٥ و في الاخر تحمري الوش
وانتي ممكن تغيري اللي تحبيه في الحشو
No comments:
Post a Comment