استخدامات البيكنج صودا

استخدامات البيكنج صودا

لستائر الحمام
من الصعب إزالة الأوساخ منها لتعرضها المستمر للماء والرطوبه
للتتغلب على هذه الأوساخ تنقع الستائر في ماء مذاب فيه
بيكربونات الصودا ثم تغسل في الغساله أو باليد بالمسحوق العادي

لتعطير الثلاجة والفريزر
يوضع البيكنج صودا فى إناء بدون غطاء لامتصاص الروائح مع تقليبها من وقت لآخر. على أن تجدد بكمية أخرى جديدة كل شهرين

لتلميع ادوات الحمام
باستخدام الصودا على قطعة من الإسفنج جافه لتلميع الحنفيات و الدش وقاعدة التواليت و الأرضيات والأحواض هتزيلي أي ترسبات من صابون أو املاح أو رطوبه بدون مجهود يذكر

للصرف
لمنع انسداد البالوعة تضاف أربع ملاعق من الصودا فيها أسبوعياً ثم ليتر من الماء الساخن, لصرف حوض الحمام أو المطبخ أو البالوعه الرئيسيه



لتنظيف الأواني من الأطعمة المحترقة
تملأ الأواني بماء مذاب فيه بيكربونات الصودا لمدة 10 دقائق قبل غسيلها … وإذا كان الطعام ملتصقاً وطبقة سميكة توضع كمية كبيرة من الصودا وكمية ماء أقل

لتنظيف لوح تقطيع الخضروات
يرش على اللوح معلقة بيكنج مع معلقة ملح طعام خشن وتفرك اللوح بنصف ليمونه لإزالة أي بقع مع تعقيم للوح

تنظيف اباريق الشاي والقهوة Kettle
ضيفي ملعقه كبيره بيكنج صودا مع ربع الkettle ماء واغلي مرة واحدة ثم اغسليه بصابون المواعين واغلي ميه مره اخرى

بديل كمفورت
يستعمل معلقه مع ماء شطف الغسيل كبديل للمنعم المعروف كمفورت حيث ان البيكينج صودا تعمل على ازالة تشابكات الياف الملابس والخيوط

للتخلص من النمل
انثري بعض من الصودا مع ملح في اماكن تواجد النمل وخاصة جحورها وسيختفي النمل من المكان تماما

لتنظيف السجاد
لإزالة أي روائح غير مرغوب فيها من السجاد أو الموكيت رشي على السجاد كميه كافيه من الصودا ليلا وشغلي المكنسة الكهربائيه صباح اليوم التالي
أما لإزالة أي بقع ضيفي خليط من المسحوق والصودا وقليل من الماء للسجاد واتركيه لمدة ساعه قبل غسيله بطريقتك المعتاده

للامهات المرضعات ومعاناة كشت الاطفال الرضع للبن على الملابس
مين فينا ماوجهتش الموقف ده : تلبسي وتتشيكي والبيبي يرضع ويكشت اللبن على اشيكها طقم : بلي طرف فوطه قطن بالميه واغمسيها في البيكينج صودا ونظفي مكان الكشت هتروح البقعة والريحه فورا ممكن دايما تخلي معاكي علبه صغيرة فيها قليل من الصودا في شنطتك أو شنطة البيبي

لإزالة الروائح الغير مرغوب فيها من اليد
بعد الطبخ وخصوصا بعد تقطيع البصل أو تقشير الثوم أو طهو السمك يظل باليد رائحه غير مرغوب فيها , للتخلص منها نهائيا تبلل اليد وتفرك جيدا خصوصا تحت الأظافر بقليل من البيكنج صودا مع الدعك بنصف ليمونه وستزول أي اثر للريحه الكريهه

لتنظيف الخضار و الفاكهة

ننقع الخضار و الفاكهة في حلة مياه ساقعة و عليها ٢-٣ ملعقة كبيرة بيكينج صودا و نشطفها. أو لو فيه نوع بيتمسح بس، نحط كمية صغيرة على فوطة و تتدعك بيها و بعدين نمسحها بفوطة مبلولة

لتطرية اللحم

ندعك قطعة اللحمة بكمية بسيطة من الجانبين و نسيبها في التلاجة ساعتين تلاتة و هاتطرى كويس و نشطفها قبل الطبخ

لإزالة ريحة الزفارة من السمك

قبل الطبخ بساعة ننقع السمك في لتر مياه و ٢ ملعقة كبيرة بيكينج صودا و نحطه في التلاجة ساعة و نشطفه و ننشفه قبل الطبخ

لتسهيل طبخ و هضم البقول و تقليل الغازات الناتجة عن أكلها (فول، فاصوليا، لوبيا….إلخ) نضيف رشه أثناء الطبخ

لإضافة كثافة للأومليت، نضيف لكل ٣ بيضات ١/٢ ملعقة شاي بيكينج صودا

لتطهير لوازم البيبي

من ضمنها التتينات و الببرونات و الفرش و الحلمات…. إلخ. ننقع الحاجات بالليل في مياه سخنة شوية بيكينج صودا حسب كمية الأدوات. و نشطفها كويس و نسيبها تنشف. ممكن كمان ننقع الببرونات في مياه و نغليها بثلاثة ملاعق كبيرة بيكينج صودا لمدة ٣ دقائق

لتنظيف لوح تقطيع الأكل

ندعكها بشوية بيكينج صودا و ملح و مياه و نشطفها بمياه سخنة

لتقوية نظافة غسالة الأطباق

نرش ملعقتين كبار في قعرها مع المنظف المستخدم، بيساعد على النظافة. و كمان ممكن نعمل دورة قصيرة لتنظيف الغسالة و إزالة الروائح الكريهة منها مع إضافة كوب بيكينج صودا في قعرها

لتنظيف التلاجة

نفضي التلاجة و نرش شوية بيكينج صودا و بفوطة مبلولة سخنة ندعك كويس و نشطف بفوطة مبلولة. و بعد كده نحط علبة صغيرة مفتوحة فيها شوية بيكينج صودا عشان الروائح

لتنظيف الميكرويف

نحط ٢ ملعقة بيكينج صودا على كوب مياه في بولة آمنة للإستخدام في الميكرويف و نزبط على ٣ دقائق ع العالي. و نشيل البولة و ننظف بفوطة سخنة مبلولة خفيف

لإزالة بقع الشاي و القهوة من الصيني

نبل فوطة و نضيف عليها شوية بيكينج صودا و ندعك الصيني كويس و نشطفها و نسيبها تنشف

لتنظيف فوط و إسفنجيات المطبخ

ننقعها في مياه سخنة و كام نقطة صابون مواعين و شوية بيكينج صودا و الصبح نعصرها و نشطفها

لتنظيف كاونتر أو رخامة المطبخ

نخلط جزء مياه و جزئين بيكينج صودا و نقطتين كلور و ندعك بسفنجة و نشطفها بمياه سخنة

لتلميع الإستانلس للحوض و الحنفيات نرش بيكينج صودا، و ندعكه بفوطة مبلولة و نسيبه ساعة و نشطفه بمياه سخنة

لإزالة بقع الدهون من على البوتاجاز نرش مياه عليه و نرشه بيكينج صودا و ندعكه بليفة و نشطفه

لإزالة الرائحة من صندوق القمامة نغسلها بمياه ساخنة و بيكينج صودا و نسيبها تنشف. و قبل ما نحط كيس جديد، نرش شوية في قعر الصندوق

للتخلص من رسم ألوان الشمع من الحوائط، نبل فوطة و نضيف عليها شوية بيكينج صودا و ندعكها كويس

لتنظيف ورق الحائط، نضيف ٢ ملعقة كبيرة على لتر مياه و ندعكها

لإزالة بقع الدهون من السجاد، أول ما الحاجة تتدلق على السجادة، نجيب فوطة و نشرّب بيها الحاجة المدلوقة و نرش حبة حلوين بيكينج صودا و نسيبها تتشرب ساعة و نشفطها بالمكنسة

لتلميع الذهب و الفضة،

للفضة نعمل عجينة من ١/٤ كوب بيكينج صودا و ٢ ملعقة كبيرة مياه و ندعك بفوطة ناعمة مندية و ننفضها
للذهب نغطسها في بيكينج صودا و نزود عليها شوية خل و نشطفها. لكن ما نعملش كده مع حاجة فيها فصوص أو أحجار

لإزالة البقع البيضاء من على الأخشاب زي الترابيزات مطرح الأكواب و الماجات. نخلط ملعقة كبيرة بيكينج صودا و ملعقة صغيرة مياه و ندعكها

لإزالة رائحة التدخين من الأثاث و المفروشات، نرشها و نسيبها كام ساعة و نعملها بالمكنسة

لتلميع الرخام، نغمس فوطة في لتر مياهدافئة على ٣ ملاعق بيكينج صودا و ندعكها و نسيبها ربع ساعة و نمسحها بفوطة مبلولة

لتنظيف رأس الدش في الحمام

نغطي الرأس بكيس داخله ١/٤ كوب بيكينج صودا و كوب خل. و نربطه كويس و نخلي السائل يدخل جواه راس الدش و نسيبه طول الليل و الصبح نشيلها و نشطفه بمياه الدش

لتنظيف التواليت

مرة في الشهر نضيف ١ كوب بيكينج صودا في خزان التواليت و نسيبه بالليل و الصبح نشد السيفون و ندعك التواليت بالفرشاة و نشد السيفون تاني

حرق الشمس أو الإلتهابات البسيطة؛ نغمس قطن في ٢ ملعقة كبيرة بيكينج صودا على كوب مياه و نعمل حركة طبطبة على المكان

لإلتهابات الحفاضة عند الأطفال، نضيف ملعقتين على مياه الإستحمام في بانيو البيبي

لتنظيف فرش الشعر و الأمشاط؛ ننقعهم في مياه دافئة و ٢ ملعقة صغيرة بيكينج صودا لمدة نصف ساعة و نشطفها و نسيبها تنشف

غسول للفم، ملعقة صغيرة على نصف كوب مياه. لإزالة الروائح الكريهة و أيضاً مسكن للألم

لتنظيف التقويم و طقم الأسنان: ندعكهم بفرشاة أسنان مغموسة فيها و مبلولة و ننقعهم في ملعقة كبيرة على كوب مياه دافئة لمدة نصف ساعة و نشطفه

لتنظيف فرش الأسنان: نخلط ربع كوب مياه على ربع كوب بيكينج صودا و ننقع الفرش بالليل و نشطفها الصبح. نكرر ده مرة في الأسبوع

واخيرا وبعد الشر عن كل الشطار في حالة حريق الزيت لا قدر الله اطفي الحريق بكميه كبيره من البيكينج صودا ,وده يفيد في الاطفاء السريع وكمان يخفف من كمية الدخان المنبعث من الحريق