أستخدامات جديدة و مبتكرة لغسالة الأطباق

 أستخدامات جديدة و مبتكرة لغسالة الأطباق 

ممكن نستخدم غسالة الاطباق بطرق عمرك ما تخيلتيها حاجات هتغسليها فيها عمرك ما فكرتي أنها هتنضف بالسهولة دي

الأبليكات و الشابوهات الزجاج و كريستال النجف

حطيهم على الرف العلوي مع مراعاة ترك مسافات كافية بينهم و ألغي بروجرام التعقيم و خلي الدورة كلها عالبارد

رأس دش الأستحمام

لو حسيتي أن ضغط المياه ضعيف عند الاستحمام في حين أنك متأكده أن ضغط المياه مظبوط عندك يبقى فيه أنسداد أو تكلسات في رأس الدش . فكيها و أغسليها في غسالة الاطباق هتلاقيها بتلمع و ضغط المياه اتحسن كتير . و نفس الكلام يطبق على كل الحنفيات عموما


الفرشاة و المشط البلاستيكي

و كمان أي توك شعر بلاستيك , نظفيهم من أي شعر و حطيهم في كيس الشرابات الشبك بتاع الغسيل و شغلي عليهم دورة عادية

ملحوظه : النصيحة دي لا تصلح مع الامشاط أو الفرشاة الخشب


أدواتك الشخصية

فرشاة الاسنان , فرش المكياج , طبق الصابونة, أدوات الباديكير

كاب الرأس

أو طاقية الاطفال ذات الشكل الثابت , كام مرة جربتي تغسليهم في غسالة الملابس و شكلهم باظ!! جربي تحطيهم لى رف غسالة الاطباق كده هينضفوا و تحافظي على شكلهم



لعب الاطفال البلاستيكية

العضاضة , الشخشيخة , و لعب الاطفال الصغيرة أغسليهم في غسالة الاطباق على دورة عادية و حافظي على صحة أطفالك من أي جراثيم عالقة باللعب

لوف و أسفنج غسيل الاطباق

دول لاااااااازم تغسليهم بشكل دوري مع دورة تعقيم كمان

بعض الادوات المطبخية

زي حامل الملاعق , علب الملح و الفلفل اللي على السفرة ,طبق المايكروويف الداخلي, و حتى عيون البوتاجاز و الشيالات اللي فوق العيون